fbpx
|
info@firstclasseg.net

الأخبار

طرق حساب المطبخ

by admin |يناير 21, 2020 |0 Comments | غير مصنف

يوجد ثلاث طرق شائعه لحساب المطابخ و هى

1- الحساب بالمتر الطولى هى طريقه لا تعطى القيمه الحقيقه للكميات المنفذه خاصة للوحدات العلويه ذات اﻹرتفاعات المختلفه فى نفس التصميم و دى طريقه لﻷسف بتكون غير عادله للعميل كما انه فى هذه الطريقه بيتم القياس بالمتر الطولى لعرض حائط المطبخ من أول عرض الحائط ﻷخر الحائط بما فى ذلك اﻷجهزه الكهربيه و الشباك مثلا المطبخ سوف يتم فرشه على شكل حرف L طول الضلع 4 و الضلع اﻷخر 3 متر فيكون حساب المتر الطولى 3+4 يساوى 7 متر للسفلى و 7 متر للعلوى بيساوى 14 متر طولى بما فى ذلك أى جهاز أو شباك المطبخ

2- الحساب بالوحدات بيتم حساب السعر على أساس تكلفة كل وحده و دى بتختلف من شركه للتانيه و يصعب المقارنه فى السعر من حيث الجوده أو المواصفات بين شركتين أو أكثر خاصة اذا تم تغيير التصميم و توزيع هذه الوحدات و اذا أردنا المقارنه بين أسعار الشركات من حيث اﻷغلى و اﻷقل سعرا فذلك يستلزم أخذ السعر بين هذه الشركات على نفس التصميم و نفس الوحدات و نفس المواصفات بين هذه الشركات بدون تغيير

( و على العموم الشركات التى تقوم ببيع المطابخ بالوحده هى الشركات اﻷغلى سعرا دائما من جميع الشركات العامله فى مجال المطابخ حيث يكون سعر المطبخ فى مجمله ذو سعر باهظ الثمن عن مثيلاتها التى تبيع بالمتر الطولى أو المتر المربع )

و ليس معنى إرتفاع السعر النهائى للمطبخ أنه على جوده عاليه من حيث الخامات فالشركات التى تعتمد على نظام البيع بالوحدات هى شركات براندات كبيره و شهيره فى مجال المطابخ فى مصر و هذه البراندات أيضا تستخدم أقل الخامات سعرا مثل الخشب ال MDF و الخشب الحبيبى حتى لو قيل لك أنه ألمانى الصنع فهو باﻷخير خشب حبيبى ( الشيب بورد ) و غالبا ما تغطى هذه اﻷخشاب سالفة الذكر بطبقه من الPVC و هى خامات كلها رخيصة الثمن و تعتمد هذه الشركات فى الجوده على الماكينات الحديثه فى التقطيع و التجميع فقط و ليس الجوده فى نوعية الخامات مطلقا ففى نظام الوحدات حتدفع كتير و مش حتعرف ليه لصعوبة المقارنه بين الوحدات و بين نفس الوحدات فى الشركات اﻷخرى لكثرة عدد الوحدات و تنوع تفاصيلها

و الشركات التى تبيع المطابخ بالوحده تهدف إلى اﻷرباح الكبيره من خلال التسعير على أساس سعر كل وحده بما ﻻ يستطيع اغلب العملاء تقييم إن كان فعلا المطبخ يساوى هذا السعر أم ﻻ و صعوبة المقارنه بين أسعار الوحدات و اﻷسعار بالمتر المربع بالنسبه للشركات و المعارض اﻷخرى التى تبيع بالمتر المربع و من ثم فهى طريقه ﻹقناع العميل بأن كل وحده لها مواصفاتها و الخامات و كميات اﻷخشاب الخاصه بها و محاولة إقناعه بأن السعر المحدد لكل وحده هو سعر منصف جدا بعد أن يقتنع العميل بأنه حصل على حقه فى الخامات مقابل السعر المطلوب و هى فى حقيقة اﻷمر محاوله من هذه الشركات

( لتعويم السعر النهائى للمطبخ لتحقيق أكبر عوائد ماديه على حساب العميل )

3- الحساب بالمتر المربع بيكون هو أفضل طريقه ( و بيتم حساب مساحة واجهة الوحدات فقط بدون اﻷجهزه الكهربائيه أو الشباك ) منصفه للطرفين العميل و المصمم حيث يسهل المقارنه بين سعر المتر بين الشركات المنفذه و ذلك عند تثبيت المواصفات مهما تغير تصميم و توزيع المطبخ

مثال للمقارنه بين طريقة الحساب بالمتر المربع و طريقة الحساب بالمتر المربع

لو فى وحده مثلا ارتفاعها 1 متر و العلبه اللى بعدها نصف متر و عرض العلبتين معا 2 متر فذلك يعنى على طريقة الحساب بالمتر الطولى

عرض 1 متر + عرض 1 متر = 2 متر

على طريقة الحساب بالمتر المربع

عرض 1 متر × ارتفاع 1 للعلبه اﻷولى + عرض 1 متر × ارتفاع 0.5 متر للعلبه الثانيه يبقى إجمالى الحساب 1.5 متر مربع

المتر الطولى أعطى ناتج 2 متر

المتر المربع أعطى ناتج 1.5 متر

بطريقه أخرى المقارنه بين الثلاث طرق لحساب المطبخ عن طريق السعر الإجمالى لكل طريقه

اذا فرضنا ان وحده سفليه كامله ( تشمل 2 جنب و قرصه و قاعده و رف و 2 ضلفه مصنوعه من كونتر و عليه HPL و ظهر خلف الوحده بنفس نوع المفصلات ) مقاسها 1 متر عرض فى 0.85 متر ارتفاع فإن مساحتها الوحده الضلفتين تساوى 1 متر مربع

بفرض إستخدام نفس المواصفات الجيده فى الحالات التاليه

ورشه تبيع المتر HPL 2500 فإن سعر الوحده 2500 ج × 0.85 م تساوى 2125 جنيها ( مع مﻻحظة أن سعر الورشه لا يشمل عمل تصميم مدروس على يد مهندس و متخصص فى تصميم المطابخ)

معرض يبيع نفس الوحده بنفس مقاسها بالمتر المربع بسعر 2750 بدل 2500 جنيه ( الفرق 250 جنيه مصاريف و ايجار معرض و أتعاب تصميم ) فإن سعر هذه الوحده فى المعرض 2750 ج × 0.85 م تساوى 2337 جنيه

فى حين أن المعارض و الشركات التى تبيع ( بنظام الوحدات ) نفس الوحده بنفس المساحه بنفس المواصفات ﻻ تقل هذه الوحده بأى حال من اﻷحوال عن 3000 جنيه

و هو السعر اﻷعلى من الورشه و المعرض الذى يتعامل بالمتر المربع مع العلم أن مكونات العلبه واحده فى الطرق الثلاثه من 2 جنب و قرصه و قاعده و رف و 2 ضلفه و ظهر خلفى

الفيصل النهائى بين الطرق الثﻻثه هو مقارنة سعر المطبخ من شركه لشركه على نفس التصميم و الخامات و المواصفات

فطريقة الحساب بالمتر المربع أفضل من الحساب بالمتر الطولى و أفضل من الحساب بنظام الوحدات المنفرده ( مع مﻻحظة أن مكونات الوحده من أجناب و قرص و قواعد و ارفف و ضلف و ظهر خلفى ثابته فى الثلاث طرق لحساب المطبخ )

شكرا على حسن المتابعه و أسف على اﻹطاله

المطابخ و أنواع الخامات

by admin |نوفمبر 17, 2019 |0 Comments | المطابخ
كل الخامات المستورده الحديثه
عباره عن طبقه صناعيه لا تتجاوز ال 0.5 مللى بتكبس على الخشب الصناعى MDF الاسبانى
وهى الواح جاهزه مستورده بالكامل من تركيا
ثم ياتى HPL , وهى تحديث لخامه الفروميكا اختصار ل high pressure laminated
وهى عباره عن شيتات مستورده من المانيا والهند وتركيا وهناك ما يصنع فى مصر
وافضلها المانى والهندى
ومن الممكن ان تكبس على خشب كونتر او خشب صناعى MDF
لا توجد خامه ضد الخدش كما يقول البعض هناك خامات مقاومتها للخدش عاليه هناك فرق اكيد فى العبارتين
شرح لبعض انواع المطابخ المستخدمه لدى الشركه
اللامي جلوس:
اللامي جلوس هو أحدث التجاليد الخارجيه، اصدار عام 2017
وهو من إنتاج شركة 5K
يتميز بالوانه الزاهيه المتعددة والتي وصلت حتي 65 لون وهو المنتج الأول من خامات المطابخ من حيث توافر عدد الألوان متنوعة بين السادة والخشابي والرخاميات
المواصفات الفنية لـ اللامي جلوس:
ويتميز بدرجة لمعان مرتفعه قدرٌها 92 درجة
ونجح في إختبار درجة الحراره حتي 60 درجة مئوية ودرجة رطوبة حتي -20 تحت الصفر بدون أي ضرر لـ اللامي جلوس لمدة وصلت لـ 15 دقيقة
ونجح في إختبار الحراره حتي 100 درجة مئوية
كما يتميز اللامي جلوس بكونه الأقوى في تحمله للخدوش بمعامل يساوي 4 نيوتن
بالإضافة لكون سطحه الأقوي حيث حصل في إختبار المتانة علي رقم قياسي قدره 1.59 نيوتن/مم مربع
كثافة الألواح المكبوس عليها تساوي 720 وهي أعلي من كثافة خشب الزان الطبيعي التي تساوي 680
حاصل على شهادة الأيزو 18001 و 14001
تمت إجراء الإختبارات في معامل عالمية تركية وألمانية هما TUV Austria & EPH.
ومن أهم مميزات المنتج حصولة علي شهادة المنتجات الصحية FSC.
البولي لاك:
البولي لاك منتج عالي الجودة من إنتاج شركة Gizir الرائدة في مجال صناعة المنتجات الخشبية.
” في صناعة ألواح الديكور من السهل الحصول علي لمعان مرتفع ولكن كلما زاد اللمعان كلما قلت المقاومة للخدش, بينما البولي لاك بعد تطبيق الفحوصات أثبت أنه يتميز بدرجات لمعان مرتفعة جداً ومقاومة عالية جداً للخدش في نفس الوقت”
“والبولي لاك عبارة عن ألواح صديقة للبيئة تُستخدم للديكور وتتألف من عدة طبقات, تتسم بمعدل عالي لمقاومة الحرارة, كذلك درجة لمعان بشكل يشبه إنعكاس المرآه”
المواصفات الفنية للبولي لاك:يتميز بدرجة لمعان 99 درجة.
ومقاومة عالية للخدش بمعامل يساوي 3 نيوتن.
ويتحمل درجة حرارة تصل لـ 140 درجة مئوية.
ومقاومة السطح للتآكل من الدرجة الرابعة المرتفعة جداً.
ونجح في إختبار سقوط الكرة الحديدية بدون اي شروخ.
وأما عن مقاومة السطح والتي نُعبر عنها بمقاومة السطح للشد فمعامل البولي لاك 1.36.
ولا يتاثر بالرطوبة حتي سالب 30 .
متوفر من خامة البولي لاك 26 لون معظمها الوان خشبية
حاصل علي شهادة المنتجات الصحية FSC بالإضافة لشهادة الأيزو 9001.
HPL:
الـ HPL من الخامات الجديدة التي ظهرت وتم إستعمالها بكثرة في عدة مجالات ومن أهم هذه المجالات صناعة المطابخ المودرن.
تتوفر الخامة بملس مميز وألوان خشبية جذابّة جعلته الخيار الأول لمحبي الألوان الخشبية.
أهم سمات الـ HPL:
-سهل التنظيف, فما عليكي إلا تمرير قطعة إسفنجية علي السطح للحصول علي سطح نظيف وبرّاق.
-ضد بصمة الأصابع, فلا تتشكل عليه أي أثار سيئة لبصمات الأصابع كبعض المنتجات الأخري مما يحافظ علي سطحه الخارجي بمظهره النظيف دون الحاجة لكثرة تنظيفه.
-ملمس ناعم, يتميز بملمس ناعم يشعرك بالسعادة دائما.
-مقاوم للخدش, يتميز بمقاومة عالية للخدش مما يجعله الخيار الأمثل للإستخدام في الحالات التي تتطلب أسطح مقاومة للخدش بدرجة كبيرة.
-سطح مناسب للطعام, إذا كنتي من الذين تبحثين عن المنتجات الأكثر صحية لكي ولأفرادعائلتك فالـ HPL هو خيارك الأمثل , ولا داعي بعد اليوم من الخوف من المنتجات الغير صحية , فالمنتج صحي في المقام الأول تمت معالجة سطحه ضد البكتريا حفاظاً علي الطعام وصحة كل أفراد الأسرة.
-ضد الماء, نظراً لتعدد إستخدامات المنتج وخصوصاً في المطابخ فكان من الضروري معالجة الـ HPL معالجة جيدة ليكون مقاوم للماء والرطوبة وبالتالي يمنع تكون الفطريات والحشرات بشكل كامل.
– صحي, الـمنتج مقاوم للبكتريا بنسبة 99% لذلك لا تقلقي من اليوم علي صحة أطفالك وكل أفراد الأسرة.
الجلوس ماكس:
من أحدث وأقوي الخامات المودرن المُستخدمة في صناعة الــ مطابخ والأثاث المنزلي.
“ألواح الـ جلوس ماكس هي ألواح خشبية لامعة تستخدم لإنشاء تركيبات الأثاث الحديثة، ذات لمعان جذّاب, الـ جلوس ماكس مثالية للمطابخ والحمامات وغرف النوم والأثاث المكتبي وجميع أنواع مشاريع الأثاث,
المواصفات الفنية لـ الجلوس ماكس:
يتميز الـ جلوس ماكس بكثافة ألواح عالية قدرها 715 مما يضعها في صدارة المنتجات الخشبية في معاملات كثافة الألواح
كما يتميز بكونه الأعلي في المنتجات الخشبية اللامعة في تحمل الخدوش حيث حصل علي معامل 5.5 نيوتن في مقاومة الخدش.
كما يتميز بدرجة لمعان مرتفعة قدرها 92 درجة,
بالإضافة لحصول المنتج علي أرقام مرتفعة في مقاومة السطح للمؤثرات الخارجية المختلفة.
يتميز الـ جلوس ماكس بألوان زاهية متعددة بلغت 29 لون.

25 سؤال لازم تسألهم لنفسك قبل ما تشطب شقتك 

by admin |نوفمبر 17, 2019 |0 Comments | التصميمات الداخلية

25 سؤال لازم تسألهم لنفسك قبل ما تشطب شقتك

1. ايه الحوائط اللى هتعدلها ؟ ايه الحوائط اللى هتبنيها ؟

2. قاعدة الحمام دفن ولا عاديه ؟

3. الحوض بركبة ولا بعامود ؟

4. الشطاف بارد بس ولا بارد سخن ؟

5. اماكن السخانات ؟ وهل هتركب سخان غاز ولا كهرباء ؟

6. هتعمل شاور ولا بانيو ؟ الغساله في الحمام ولا المطبخ ؟

7. لو بانيو هيكون عادي ولا بشاسيه ؟

8. هتفرش ازاي عشان توزيع الكهربا ؟

9. مكان التليفزيونات فين ؟

10. هتعمل كاميرات ولا لأ ولو اه هتعملها فين ؟

11. هتعمل جيبسم بورد ولا لأ , ولو هتعمل هيكون اماكنه فين عشان يأسسله كهربا ؟

12. لازم تكون عارف اماكن السبوتات وتوزيعها وتدي رسمة الانارة لصنايعي الجيبسم بورد عشان متلاقيش صاج وانتا بتركب السبوت !

13. عايز سيستم تليفونات داخلي ولا لأ ؟ عايز ساوند سيستم ؟

14. السيراميك هتجيبه بلاطات كبيره ولا صغيره ؟ لأن الكبير هتحتاج تمحر الحوائط ويتلزق , الصغير لأ

15. هتعمل ديكور في السيراميك معين ؟ لازم يتحدد من بدري عشان متلاقيش ان الديكور جاي في مكان علب الكهربا !

16. هتعمل اضاءه ليد مخفيه في السيراميك ؟

17. هتركب بورسلين ولا سيراميك ؟ لو بورسلين لازم تعرف انه لازم يتلزق مبيتعملش بمونه عشان بيفصل بعد كدة حتي لو الصنايعي حاول يجتهم د

18. هتعمل كل الدهانات بلاستيك ولا هتعمل ديكورات ؟

19. هتركب كرانيش ولا لأ ؟ ولو هتركبها هيكون فين اماكنها ؟

20. هتركب تجاليد حوائط بالحجر ؟ وأنهي حيطة بالظبط ؟

21. هتركب باب مصفح ولا باب عادي لباب الشقه ؟

22. هتركب الوميتال ولا PVC ؟

23. هتعمل على الألوميتال شيش حصير ولا لأ ؟ واوتوماتيك ولا مانيوال ؟

24. تقسيمة المطبخ وهل امريكي ولا عادي ؟ وهل هتعمله خشب ولا ألومنيوم ولا PVc ولا HPL ولا Polylac ؟

25.لازم تحدد اماكن التكييفات عشان ممكن تحتاج تدفن الفريون في الارضيه او الحائط ؟

النقاشة و الألوان للتصميمات الداخلية

by admin |نوفمبر 17, 2019 |0 Comments | التصميمات الداخلية

النقاشه دي نهايه الشغل والحاجه ال بنعيش معاها كل الوقت ولو في عيوب بتظهر اول حاجه بتستقبلها في الدهانات 

اولا :-

المواد :

مش بندقق كتير في المواد علشان الشركات كلها ليها اسم وموادها ممتازه

لكن لازم ندقق في نوع المعجون

طريقه العمل :-

الصنفره :

اذا كانت المحاره معموله تسطير زي ما ذكرت في موضوع المحاره سابقا

يبقي نصنفر بصنفره ورق عادي

واذا كانت المحاره ممسوسه او مكتمه

يبقي لازم الصنفره تكون بالحجر

—— لازم ندقق في الصنفره في الزوايه العاليه والسفلي لان معظم الصنيعيه مش بيركزو علي المناطق دي وأماكن التقاء الحوائط الزوايه العلويه والسفليه .

•بعد الصنفره لازم نغسل الجدران كويس بالخرطوم لضمان النظافه من التراب الناعم .

•ثم عمل السيلر العازل النهائي بين كل الاتربه والمعجون وال بيظهر عيوب الجدران للتعامل معاها هندسيا .

• لو ظهرت شروخ صغيره في المحاره نتيجه اي إهمال نقدر نفتح الشروخ ونحط معجون وتيب عرض ٨سم مخصص للنقاشه

•المعجون – ده من اهم مراحل الدهانات

لازم ندقق شويه هنا

# لازم ناخد ٣ وجوه معجون للجدران ازاي نعرف ان الصنيعي اخد ٣ وجوه وماضحكش علينا الوجه الاول بلون المعجون عادي

الوجه الثاني يلون المعجون اصفر خفيف

الوجه الثالث يكون بلون المعجون ابيض عادي .

• المهم بقي اننا بناخد الوجهين الاول والثاني ونقف لما يخلص السيراميك تركيبات ويخلص الالموتال تركيبات

وقبل مرحله التشطيب ناخد الوش الثالث وتصنفره كويس .

ملحوظه :-

اعمال الدهانات مستحيل تعالج اي عيوب في المحاره لان الدهانات لا تتجاوز ٢ ملم .

•بكون كده وصلنا لوجهين الفنش النهائي حسب اختيار العميل زيت بلاستيك قاطيفه الخ ……..

1-التأكد من نظافة الموقع كامل

2-استلام البرايمر ويتم تخفيفه بنسبة ٥٠٪؜ بالماء طبقا للمواصفات وبيانات المنتج .

3-استلام السكينة الاولي كفرد وتنعيم بعد الصنفرة لكامل الاجزاء.

4-استلام سكينة ثانية عمودية علي اتجاه السكينة الاولي “يفضل بلون مختلف “

بعد الصنفرة والتنعيم مع ملاحظة تنفيذ الحوائط بعد الاسقف.

5-استلام البطانة وتلقيط المناطق الخاسة او التي بها اثار سكينة المعجون “ريجة”

6-التأكد من تمام المعجنة لجميع الاماكن وخصوصا الزوايا والاركان والمناطق العالية بالحوائط

7-مراجعة نعومة السطح وعدم وجود زيادات في المعجون خصوصاً اعلي الوزرات.

ملحوظه قبل البداء في الدهانات

يجب حمايه مفاتيح الكهرباء والشبابيك والأبواب بلزق التيب

وفرش الأرضيات بلستيك شفاف او نشارة خشب ورمل

والأفضل عمل جبس كامل علي السيراميك لحين الانتهاء من الدهانات

وذالك حفاظا علي لمعه وجمال الأرضيات

8- استلام وجه اول دهانات باللون المطلوب والمنتج المعتمد.

9- استلام الوجه الثاني مع التأكد من تحرير الالوان باستخدام التيب

10- مراعاة توحيد ملمس الدهان لجميع حوائط الغرفة والتأكد من عدم وجود تسييل للدهانات

الصنياعي 

وطريقه التعامل معاه

هنفترض ان سعر المتر ٢٠ جنيه

يبقي حضرتك تعتبر سعر المتر ١٥ جنيه

وتقسم ال ١٥ علي ست مراحل وست دفعات كل مايخلص مرحله ياخد حقه

ولما تستلم شغلك نهائي بدون ملاحظات

تعمله الدفعه الاخيره ال هي عدد الامتار في ٥ جنيه اصل الاتفاق

× كلمنا على الواتس اب